WAERS

15.30: Sounds
01.00: Take Five

In de Nach traejt Waers oetgebreid op beej Take Five, maar veur wae neet wilt wachte en de formatie al ierder aan 't werk wilt zeen: beej geluudsdrager-Walhalla Sounds wuurt ’s middaags 'n optraeje in de zaak verzörg. De ‘waersen band’ haet neet stil gezaete en d'r is in de vorm van tweeë nieje nummers vers materiaal. Neteurlik waere die leedjes in dé meziekzaak van gans Limburg en gans Nederland ten gehure gebrach. Kóm luustere, tösse alle cd’s en elpees.

Waers is 'ne verse Venlose dialek formatie mit de waalbekinde Jules Fransman (dae van De pinguïn, en dan dae mit de lange haor) as zenger. Op 't repertoire staon, naeve inkele nao 't Venloos vertaalde covers van bands als Arctic Monkeys en The Raconteurs, veural eige nummers van fróntman Fransman, nummers die de potentie van dezen band laote hure. Good niets: tiedes de Nach waere twieë splinternieje leedjes gebrach. Det dees waerse muzikante zich veuralsnog neet mekkelik in 'n hökske laote plaatse, is allein maar toe te juiche. Dutelik is det Jules’ aantrekkelike performance en zien poëtische tekste zien gelieke in Venlo neet kinne. Lang laeve Waers!