TON ENGELS

00.00: Brouwersplaats

Intelik verscheen d'r 't vurrig jaor weer 'n nie album van Ton Engels. Mit Herfstkampioen leverde de oet Panninge aafkómstige leedjessmeed nao zeve jaor albumstilte opnie 'n cd van hoeëg niveau aaf. Iezersterke tekste mit humor, goje melodieje…: Ton zoeë as weej Ton gewind zien. Weej zien d'r dan ouk gruuets op Ton Engels op de Nach te meuge begroete. Kóm genete van leedjes op Champions League-niveau. Of, in de sfeer van ziene wielerhit Tom Dumoulin: kóm luustere nao 'ne absolute gaele trui-favoriet as 't geit um dialek leedjes make.