GÉ REINDERS: CD-PRISSENTASIE OETBLAOZE

20.45: Maaspoort, Frans Boermans zaal. 

Start program Maaspoort um 20.15 mit oetreiking Veldeke Oeuvre Priès en Jo Erens Priès (in-en oétlaup vreej), cd-prissentasie um  20.45. Let op: zörg des se op d'n tied in de zaal bis, beej de prissentasie zien de zaaldeure toe.

Op d'n aovend det Gé Reinders d'n Veldeke Oeuvre Priès krieg veur zien umvangrieke repertoir, wuurt det oeuvre weer oetgebreid. En wie! Gé haet de aafgeloupen tied same mit Het orkest van de Nederlandse Douane ónder de leiding van Björn Bus de nieje cd Oetblaoze opgenaome, en die cd wuurt venaovend geprissenteerd. De arrangemente zien geschreve door internationaal bekinde blaosmeziek-groeëthede as Hardy Mertens en Peter Kleine Schaars.

Det dialekmeziekheld Gé Reinders zien nieje album tiedes de Nach oetbrink mak ós erg gruuets. Gé  traejt venaovend in de Frans Boermans zaal in De Maaspoort op mit 'n orkest van sevetig man (!). Same bringe zeej de leedjes die op Oetblaoze staon te gehure. De cd wuurt gevolg door 'nen toer: Gé geit weer de buun op mit plaatselike blaosorkeste. De Limburgse ambassadeur van de blaosmeziek is de kómmenden tied in tal van theaters in 't ganse land te vinde, zoeëwaal nieje leedjes as zien vuuel gepreze successe zulle tiedes daen toer veurbeej kómme. Eín dink is zeker: Oetblaoze zal de minse rake én umvaerblaoze.

Let op de begintied: wils se de presentatie metmake, zörg dan des se op d'n tied in de zaal bis. Mier informatie euver Gé, zien nie album en d'n toerlies op www.gereinders.nl