KWANTE HIPPE

23.30: Hatseflats
01.30: De Splinter

Weej hebbe Kwante Hippe neteurlik al dökker op ós festival meuge begroete, dees Venlose hiere wónne in 2015 zelfs ózze Jo Erens Priès. De status van d'n band is aevel zoeë gegreujd det Kwante Hippe 't aafgeloupe veurjaor de Limburgse vertaegewaordiger op 'n streektaalfestival in 't vaere Friese Leeuwarden waas. D'n band is dan ouk 'n prima oethangbord veur ós pervins: 'n strak optraeje verzörge kins se aan die manne waal euverlaote. D'r wuurt gewerk aan nie repertoire, wae wet kump dao al waat van veurbeej in Hatseflats én De Splinter. En anders zien d'r zat ‘gouwe ouwe’ um de Nach good mei te kinne viere.