AOPE PODIUM

17.00: Galerie

Hebs dich det ouk? Det de Nach te laat begint, en des se ’s middaags al steis te popele um de stad in te gaon? Of zoels se juus zoeë gaer wille optraeje op de Nach, maar mós se nog óndek waere of hebs se pas net dien ieërste dialekmeziekstappe gezatte? In samewerking mit Alwin en zien Galerie hebbe weej die twieë gedachtes beej ein gevoog en is d'r dit jaor dus waat niets: al um 17.00 oor begint beej De Galerie 'n Nach-optraeje. En wie! Op 't aope podium is dialektalent welkóm, talent det zich al ieërder haet opgegaeve. Wae d'r kump optraeje? Det zals se vanzelf waal merke as se kumps kieke. De naam van éín act gaeve weej ves priès: 't jeugdige maar ó zoeë muzikale en vocaal iezersterke Jewels luuet hure waat zeej in hoes hebbe. En vaerder zegge weej: laot dich verrasse welke sieräöj d'r nog mier op 't podium zulle staon. Geïnspireerd geraak? Wae wet steis se zelf volgend jaor waal beej De Galerie op te traeje…