WAERS


22:30: Laajruumte Maaspoort (Paeperstraot)

Vurrig jaor introduceerde weej 'n waal hiel biezóndere locatie: de los-en laajruumte van De Maaspoort. Die plek bleek 'n schot in de roeës. De meziek van Peter Beeker en Huub Holtman kwaam dao zoeë good tot zien rech det weej d'r dit jaor neet umhaer kóste en woele weer op dees unieke plek 'n optraeje planne. En weej hebbe weer 'n act gevónde die oetstaekend pas in die ruige ruumte: Waers. De rauwe Venlose dialekband speult lekker stevig, al zien de waerse muzikante neet mekkelik in 'n hökske te plaatse. De poëtische tekste van fróntman Jules Fransman zien van hoeëg nivo en muzikaal klink 't allemaol erg strak en plezerig. Zörg des se d'r beej bis, d'n ingank is in de Paeperstraot.