JÔNGK BELAEGE


16.30: In Den Dorstigen Haen

De muzikante van de Venlose band Jôngk Belaege straole op 't podium zoeëvuuel aanstaekelik enthousiasme en plezeer oet, det zeej in kroege zoeëwaal d'n temperatuur as ouk d'n beerumzet laote greuje. Dus det wuurt nog waat beej eur optraeje in In Den Dorstigen Haen. 't Vuuelzijdige meuziekgezelschap Jôngk Belaege bringk zoeëwaal Limburgse klassiekers as ouk niejere nummers, gezelligheid is daobeej gegarandeerd. Logisch dus det 't beej eur Nach-optraeje in de middaag vurrig jaor behuurlik drök waas, weej veurspelle det det dit jaor neet anders zal zien.