40 JAOR GÉ DEENEN

GÉ DEENEN & VRINDE

22.30: De Witte

In 2020 zit vastelaoveszenger Gé Deenen fiertig jaor in 't vak en det geit hae kómmend vastelaovessezoen op joeksige wies viere mit 'n jubeltournee mit optraejes in de ganse gemeinte. Zien jubeljaor wuurt venaovend aafgetrap tiedes de Nach en det belaof 'n waore happening te waere. Hiel waat vrinde oet 't vak kómme same mit Gé zien feesje beej de Witte viere. Zoeë traeje Mai ‘Haej dich’ Anröchte en Sandra en Marco op, maar d'r kómme nog mier zingende gaste.

De loupbaan van Gé Deenen is indrökwekkend: hae zóng nummers as: Nog efkes same, ’t moeiste maedje van de waereld en neteurlik LVK-winnaer Josefien de prieze in en haet euveral in Limburg op 't podium gestaon. Nog altied steit Gé mit 'tzelfde enthousiasme op  't podium en haet zien prachtige stum nog niks aan kracht verlaore. Same mit zien broor Rob steit de boumlange coryfee volgende waek nao jaore van aafwezigheid zelfs weer in de finale van de Leedjesaovend van Jocus mit De kolder in de kop. En mit dae kolder helt rasartiest Gé 't noow dus al veer decennia vol. Dus: Vastelaovesfees in De Witte!