NEUTJESRANG – GETSKE VAN GELÖK

23.15, 00.00, 00.45: portiek Geven

In nota bene eur jubileejaor makde Neutjesrang bekind d'r mei te stoppe. Maar nao 3X11 jaor vertrekke Fred, René en Paul neet mit stille tróm. Kómmend vastelaovessezoen halde zeej nog 'n echte letste róndreis naeve vereiniginge en daonao volg d'r ouk nog 'n muzikaal aafscheid in De Maaspoort. De aafscheidsactiviteite waere aafgetrap tiedes de Nach: veur de allerletste kier zal Neutjesrang eur befaamde optraejes beej Geven in de Gasthuisstraat (de Gassestraot) halde. 't Is dan waal genne vastelaovend, maar zoeë zal 't, as se dien ouge toe duis en al die vertroewde leedjes en kwats veurbeej huurs kómme, waal lieke. Doot aevel dien ouge allein neet te lang toe, anders mis se te vuuel. Neutjesrang helt ein oetgebreide aafscheidsreceptie, mit alles d'rop en d'raan. Kóm ‘hojje’ zegge taege dit lollige dreespan, noow 't nog kan!