DE NACHSJIECH VA ROSBEEK, NELISSEN & PAM-PAM

00.00: De Klep

't Is 'n bónt gezelschap det beej De Klep ónder de naam De Nachsjiech va Rosbeek, Nelissen & Pam-Pam 't podium zal betraeje: allerieërs is dao leedjesarchitect Ivo Rosbeek, dae al hieël waat jaor succesvol aan de waeg tummert as dialekmeziekarties en in 2016 de Jo Erens Priès wón. Hae wuurt vergezeld door Lex Nelissen, bekind van hits as Tuin der lusten en vanwaege zien dónkere stum, maar baovenal as nachbörgemeister van Heerle. 't Dreejmanschap wuurt kómpleet gemak door Pieter Roberts ofwaal Miss Patty Pam-Pam, Miss Drag Queen 2017. Ivo schreef en produceerde veur zoeëwaal Lex as Pieter meziek, beej De Klep verschiene zeej mit dreej man. Waat det geit oplevere? 'n Aafwisselend, hilarisch, theatraal én muzikaal optraeje, waobeej leedjes van Ivo en zien Lotgenote waere gebrach. Theater in De Klep, zeg maar 'n saort mini-Medammecour. Kóm det zeen, hoeëgge-ierd publiek!