JEWELS

22.00: Shannon’s

Wie weej Jewels veur 't iers zoge optraeje ware weej drek ónder d'n indrök. Waat wils se ouk, mit dreej waal hiel jeugdige zangeresse die internationale hits as Use somebody van Kings Of Leon gans nao eur hand zette mit schoeën Venlose vertalinge. Weej veurspelle 'n golde toekóms veur de dreej nachtegaelkes. De dames van Jewels zulle venaovend schittere beej Shannon’s en waere muzikaal begeleid um éín en ander net waat steviger te laote klinke. Ózze waalgemeinde raod is dan ouk: bin d'r beej, 't optraeje van dees Nachpaerelkes is absoluut de meujte waerd.