DIALEK-ORKESJE

20.45: Houfpodium – 675 jaor Venlo

675 jaor Venlo: in daen tied zien d'r óntelbaar vuuel goje leedjes gemak. En d'r kómme d'r nog altied beej. Neem noow 't repertoire van Dialek-Orkesje, 'ne groep mit 'ne naam dae de lading gans dek. Lottie Boermans, Wim Naus, Pieter Bartels, Rien Kolkman en Koen Fransen bringe leedjes in 't dialek én vorme same 'n orkesje. D'n band verandert mekkelik tösse meziekstijle en bringk nieje en ouk bestaonde en bewerkde dialekleedjes. Spesjaal veur de Nach staon d'r venaovend ouk inkele alde, maar tiedloze revueleedjes op 't program, leedjes die ós waat vertelle euver verscheie episodes in de geschiedenis van 675 jaor stad Venlo. En dan is d'r ouk nog 'n ekstra muzikale verrassing. Kóm luustere en belaef 'n stökske muzikale stadshistorie. Waallich geis se dao nao zelfs 'n stökske wiezer weg!